出發喇.....

自 Felix 出生以後, 都從未在外過夜. 見佢都兩歲多點點, 又會行會走, 於是決定帶佢到廣州見一見太叔公,舅公同舅母.

雖然只是兩日一夜, 但都要為 Felix 準備好多東西, 一家三口的物品都有整整一喼.

我地早上8:30am出發, 先坐港鐵到羅湖, 去到深圳, 再轉高速火車到廣州.

到達舅公家, 已經有個姊姊等緊 Felix 喇! 佢係舅公孫女, 梓榆....

其實我知 Felix 不嬲都喜歡同大過佢嘅哥哥姊姊玩, 但係唔知佢喜歡得咁要緊. 一見到表姊, 已經 "姊姊,姊姊" 咁, 之後仲熟到跟姊姊出街玩.  不停咁話 "姊姊拖住, 姊姊拖住", 嗰一刻我掛住跟實佢地, 怕有車行過, 忘記拍下此情此景. 失敗.....

(表姊仲同 Felix 著鞋襪添.....)

之後晚餐時間, 主角竟然係 "兔肉". 最萬料不到嘅係, 嫲嫲係我唔為意嘅情況下, 剪下少許俾 Felix 食. 當我 "翁" 起塊面嘅時係, 嫲嫲話 "怕咩, 好補架", 然後你一言我一語咁, 我頓時冇野講....

第二朝, 早上飲完茶, 我就同爸爸拍拖行街. Felix 真係有表姊相陪已經足夠, 竟然同我講拜拜喎.....於是我地就行吓出名嘅"上下九路".

行完街, 食埋中午飯, 我地就坐火車離開, 咁就結束我地兩日一夜嘅廣州之旅.....