例如....
媽媽: "媽咪返工喇"
Felix: "媽e, 拜拜" (跟住黎個 goodbye kiss) (佢點都唔識講媽咪,而講咗媽e咁...)
媽媽: "Felix 食飯囉"
Felix: (指住張high chair...) "食飯飯" .... (食完之後...) "飽飽, 地地" (意思係食飽, 落地)
媽媽: "Felix, 去街街喇"
Felix: (先揀件佢今日想著嘅衫, 然後攞帽, 再孭埋個背包仔, 揀佢今日想著邊對鞋, 然後...) "街街"
媽媽: "Felix 夠鐘瞓覺喇!"
Felix: (先望住個鐘...) "覺覺豬" (然後...) "爺爺 good翳, 嫲嫲 good翳" (即係goodnight)
上床之後, 自動自覺攞奶咀, 然後講 "著衫衫" ( 因為開冷氣我會幫佢加件薄薄衫仔)
仲有, 間唔中指住個雪櫃叫 "多多" (益力多); 係麵包店前 "食包包"; 行到7-11前面, 拉你入飲品櫃, 不停指; 要我地陪佢玩玩具時, 就拍拍地下 "媽e/爸爸, 坐坐"; 上巴士前, 問我攞 "嘟嘟", 嘟完就 "媽e" (同時俾番我) ...等等...
以上嘅所有行為, 每次我都睇到偷偷地笑, 因為這種種都足以顯示 Felix 大個仔囉....哈哈....
