上星期五帶咗 Felix 到太陽島(港灣豪庭分校)參加面試.....

出發喇.....

上星期六帶同 Felix 去企樓下一間幼稚園面試 (迦南), 此乃接見面試嘅第一間. 雖然我同 Felix ba 都唔太喜歡呢間學校, 不過就當係一次 interview 嘅經驗囉.

之前已經教識 Felix 幾個基本問題:

1. 你叫咩名?
2. 你幾多歲呀?
3. 你住係邊?
4. 媽媽叫咩名?
5. 爸爸叫咩名?

統統係幾日內識哂, 不過老師竟然一條都冇問 (但我聽到隔離嗰位老師有問另外一位小朋友嫁吓). Felix 仲要有點兒怕羞, 老師問佢問題, 要問幾次先答, 仲要越講越細聲, 全程只識笑. 老師唯有話 "佢都幾好笑容嫁喎", 去打圓場.

其中問題有: 認圖畫. 老師俾啲生果圖片 Felix 睇, 問佢係咩生果. 有蘋果, 香蕉, 提子, 橙. Felix 只係答咗提子同橙, 但係佢一返到屋企, 就樣樣講得出. 小朋友 interview 真係好睇心情同表現, 呢啲真係冇得控制.

另外, 老師要問到第四次時, Felix 先肯講我係邊個. 問爸爸一次就得, 而問老師就要五六次, 先答 "姨姨".

之後老師要 Felix 搭高幾個 lego 俾佢睇, 佢就連隔離小朋友個幾個都攞埋黎砌, 搭到有咁高得咁高.

我覺得今次 Felix 嘅表現唔太好, 如果輪到嗰間心儀學校, interview 時嘅表現都係咁的話, 就"屎"得囉......

昨日星期天行程相當緊湊, 上午到長沙灣拜山, 中午到美孚新村飲茶, 下午去荔枝角公園逛逛.

尋日中秋節去咗個朋友屋企玩, 大人就BBQ, 細路就玩水水, 好開心呀....

不知不覺 Felix 都大個了不少, 近排仲喜歡做家務. 掃地, 拖地, 收碗, 包垃圾, 甚至乎倒垃圾都要做埋. 不過最值得一讚嘅係~~曬衫, 佢最鐘意幫我地將啲襪, 一隻一隻咁掛起, 仲要掛得非常之好, 唔駛我地執手尾添.

不過曬完之後, 最鐘意就係玩衣夾. 佢可以一隻隻咁排好, 排得好靚吓嫁, 大家話係咪......

尋日係 Felix 契媽媽結婚嘅大日子, 我呢個由小學開始認識嘅朋友結婚, 當然要做姊妹喇.....

因為我整日都忙到不得了嘅關係, 下午註冊時份, Felix 先由爸爸帶到註冊嘅地方, 去見證嘉嘉媽媽嘅婚禮.

Felix 著起件西裝, 真係靚到爆呀.....

剛過去嘅星期六日, 節目非常豐富, 好開心啊.......