一年前於 Felix 一歲生日拍攝:

一年後於 Anson 家中拍攝:

時間過得好似有啲快, 三個男孩排排坐, 好得意呀....

早排有個朋友生咗個BB女, 尋日咁啱我又放無薪假, 於是帶埋 Felix 去咗佢屋企探佢地. 一入到屋 Felix 已經唔理我自己走去玩, 事關個佢屋企十足十一間小型幼稚園, 超多玩具 (仲要好多幾大型吓). 由於佢有個大仔大過 Felix 五個月左右, 所以累積咗好多玩具, 大多數都係人地送俾佢嘅. 不過佢間屋咁大, 都唔怕放唔落喇.

Felix 依家都算識得同其小朋友玩吓, 分享玩具, 唔會唔理其他小朋友而自己玩, 可能佢開始識得同人地交流吓, 唔再只得自己嘅世界. 始終平時都只有佢一個小朋友, 一有機會要俾 Felix 多啲接觸其他小朋友先得.

Felix 嘅說話進度一路一路進步緊, 新識嘅字有:

冬冬 (公公), 嫲嫲, BB, 街街, 謝謝, 清 (train), 伯伯, 叔叔 (不過講到好似普通話個音咁).

自從佢識得講 bye bye 之後, 依家不停講不停講, 係又 bye 唔係又 bye, 有時都唔知佢究竟明明 bye bye 係咩意思架.

另外 Felix 認顏色, 形狀及五官四肢已經好到家, 仲識得砌好多簡單嘅 Puzzle 添, 但係戒片就尚未成功, 唔知幾時先識得講 "v v" 同 "ng ng" 呢?

係 Felix 一歲左右, 姑媽姑丈所送嘅麵包超人露背裝, 竟然到依家都"long"唔起件衫. 唉 ...... Felix 你都相當瘦吓喎.

H1N1 現正在香港紮根, 原本唔太擔心嘅我, 但眼見依家越來越多確診, 都唔到我唔擔心啊......

Felix 依家終於開始有意向學講說話囉......

唔讚自己個仔都唔得呀, 佢依家叻到識砌 Puzzle 添呀, 勁呀..........

一路都搵唔到啱心水嘅母子裝, 母子睡衣都好過冇喇!

早前係網上搵到位於太子嘅playgroup, 於是今日帶 Felix 黎試堂.

上星期姑媽買咗杯牛奶布丁俾 Felix , 我早兩日嘅下午俾佢食. 佢食得好滋味, 一啖又一啖, 好快趣就食哂喇, 哈哈........